Góðan dag kæru lesendur nær og fjær.
Við sluppum frá bryggju hálffimm í morgun og siglum nú rösklega suðurfyrir land að loðnuslóðir.  Það er eins gott að slá vel í klárinn, því loðnan er á gríðarlegri hraðferð vestureftir og er komin að Eyjum.  Sennilega verður hún komin á Faxaflóann um helgina og hrognafrysting hlýtur að fara að hefjast á allra næstu dögum, því hrognafyllingin hjá okkur í síðasta túr var 19,5% að sögn hins nákvæma mælingarmanns Hauks Laxdal hrossabónda í Tungu.  Haukur þessi hefur þann starfa með höndum að vega og meta aflann eftir kúnstarinnar reglum og nánst gefa söluupplýsingar til frystihússins um gæði aflans.  Hefur reynsla hans sem hrossaprangara nýst afar vel í þessu starfi.


Það styttist í hrognaveisluna, spurning hvort markaðsaðstæður leyfa mikla hrognatöku.

Í tilefni dagsins var bakað hér um borð um helgina og eru bollurnar í röðum inn í kæli og bíða eftir að verða kokgleyptar af svöngum Lundverjum.
Hinsvegar var undirritaður ekki með neina myndavél og því grípum við til þess ráðs að birta mynd sem tekin var hér um borð fyrir ,,fáeinum" árum, þegar skipið var gert út frá Reykjavík og bar nafnið Narfi RE.  Þessi mynd birtist á Togarasíðu Hafliða Óskarssonar vinar okkar.


Hér er Þorsteinn Gíslason Bryti á Narfa RE að mæla þykktina á bolludeiginu.


Við kveðjum í bili.

GVIL

Góðan og blessaðan dagin lesendur nær og fjær. Þá er Lundey NS 14 komin í höfn á Vopnafirði eftir leiðinda brælu fyrir austfjörðum. Verið er að landa úr  félaga Faxa, síðan munu Bræður bretta ermar enn lengra upp og gúffa upp úr lundanum. Eru vonir bundnar til að aflinn nái 1100 tonnum en þess má geta að af þeim 13 túrum sem búnir eru á þessu ári hefur bara einu sinni verið landað fullfermi eða rúmun 1500 tonnum. 

 Kvöldið kæru landsmenn. Þá er sá gamli blái orðinn fullur. Vinir okkar á Faxa sáu aumir á okkur í morgun og gáfu okkur afgang úr sinni nót áður en þeir héldu til löndunnar, hafi þeir bestu þakkir fyrir. Eftir hádegið var síðan komið grænt ljós á að hefja veiðar og fóru leikar þannig að sá gamli er núna á hraðferð austur með suðurströndinni á leið til Vopnafjarðar með góðan vinnsluskammt. Má eiga von á okkur í námunda við viktarskúrinn undir hádegið. Loðnan er á hraðferð vestur með landinu og vorum við að veiðum undan Skarðsfjörunni, en hrognafylling er komin í 19,5% samkvæmt áreiðanlegum mælingum á rannsóknarstofu Lundanns.


 Drengirnir á Lundanum komnir á spena hjá Faxa


  Sighvatur Bjarnason siglir hjá, kominn með góðan skammt.


  Veitustjóri kveður og þakkar fyrir sig...................................BK.............

Góðan og blessaðan daginn landsmenn nær og fjær.  Lundey hélt úr höfn á Vopnafirði seinnipartinn í gær, eða um svipað leiti og skrifstofumenn héldu til síns heim eftir erfiðan dag. Þá var lokið 30 tíma löndun í vinnslu. Nú í morgunsárið erum við komnir á miðin við Skarðsfjöru í þessu fína veðri. Skipin eru að kasta en við látum reka á rauðu ljósi, þe. veiðunum er stjórnað úr landi til að vinnslan fái sem ferskarst hráefni. Ingunn er að landa á Vopnafirði, Víkingur í Fuglafirði og Faxi er á veiðum eftir að rauða ljósið hjá þeim skipti yfir í grænt. Þegar hráefnisöfluninni er stýrt á þennann hátt er eitt af lykilatriðunum að samvinnan sé góð og farið sé eftir fyrirmælum, því fari einn ekki eftir fyrirmælum kemur það niður á hinum og skapar óánægju. Annars er það helsti flöskuhálsinn í dag, að þótt bræðslur séu keyrðar á fullum afköstum, eru þau ekki nóg til að hafa undan þeim afla sem berst á land. Þótt stór hluti aflanns fari í vinnslu á Vopnafirði fer alltaf hluti í bræðslu. Þar sem við kælum aflann fyrir vinnsluna erum við um leið að hægja á afköstum bræðslunnar því afköstin aukast fái aflinn að brotna aðeins niður.
Undanfarið hefur verið nokkur umræða um aldur fiskiskipaflota Íslendinga og er það vel. Við þykjumst vera einhver fremsta fiskveiðiþjóð í heimi en siglum á vafalaust einum elsta fiskiskipaflota í heimi.
Í Morgunblaðinu í dag er grein "Öryggið í öndvegi í stöðugt eldri flota"  Þar telja Friðrik J Arngrímsson og Sævar Gunnarsson ekki ástæðu til að óttast öryggismál fiskiskipaflotanns allmennt. Það vona ég að sé rétt, en það segir sig sjálft að skip sem eru kanski 50 ára gömul eru allt önnur hönnun en ný. Ég ætla rétt að vona að einhver þróun hafi orðið síðustu 50 árin í hönnun skipa hvað varðar öryggi, aðbúnað eða hagkvæmni. Þegar gömul skip eru teygð og toguð gefur auga leið að þau verða ekki ný hönnun þótt ýmsu sé hægt að breyta. Að sjálfsögðu gildir það sama um aðbúnað áhafnar en það vill svo til að kröfur um aðbúnað ag hollustuhætti á vinnustað eru aðrar en fyrir 50 árum. Það á líka að vera forgangs atriði að aflinn komi sem ferskastur og best með farinn að landi.
 Það er ekki hægt að sjá að forsvarsmenn sjómanna og útgerðarmanna hafi komið mikið um borð í þessi skip, það væri þá helst þegar skálað er fyrir "nýju" skipi sem væri þá um 10-15 ára.


 Faxinn  beygir á partrollinu 2009    
 Faxinn er um 11 m breiður en sambærileg nýsmíði í dag myndi vera um 14 m breið.


 Að lokum er svo ein mynd af Bjarna Ólafssyni AK 70 á Lónsbugtinni um daginn.


Veitustjóri á reki þakkar fyrir sig og kveður í dag....................................BK...................

Góða kvöldið ungir jafnt sem gamlir, læsir sem lesblindir.  Hér á Lundey höfum við verið að veiðum, síðasta sólarhringinn, með hléum þó. Loðnan er á fullri ferð vestur með landinu og voru skipin að kasta út af Hvappavalla ósi nú undir kvöldið. Hrognafyllingin er komin í um og yfir16% svo það styttist óðum í hrognatökuna. Sá gamli er núna á fullu ferðinni til Vopnafjarðar og verðum við þar væntanlega í fyrramálið með blautann vinnsluskammt. Heldur hefur okkur þótt gusta um okkur þennann túrinnn þótt vindur hafi verið frekar hagstæður hvað brælu varðar. Má geta þess að vindmælirinn um borð sló í 48 m/sek. í hviðum í nótt.


 Júpíter ÞH 363


 Þorsteinn ÞH 360
 
 Á útleiðinni mættum við tveimur Þórshafnarskipum með fullfermi á leið til heimahafnar.

 Vindblásnar kveðjur af þeim gamla...............................................BK............
 

Góða kvöldið landsmenn góðir til sjávar og sveita. Gamli bláus hélt til hafs í morgunsárið og erum við í þessum skrifuð orðum orðum á miðunum. Mok veið hefur verið og höfum við mætt tómum skipum á leið á miðin og síðan hlöðnum skipum á leið til löndunnar.


  Aðalsteinn Jónsson SU 111 á leið á miðin


 Nýjasta skip Íslenska flotanns Börkur NK 122 á leið á loðnumiðin við Hornafjörð, Papey í baksýn.


Veitustjóra kveðjur að sinni.......................BK...

Góðan og blessaðan daginn landsmenn utan lands sem innan. Héðan af lundanum er allt sæmilegt að frétta. Vorum mættir á Vopnafjörð í gærmorgun með slatta sem var pumpað í snarheitum á land, og héldum við rakleitt á miðin aftur með fulla vatns og olíutanka. Snemma í morgun voru kallarnir mættir og tóku tvö köst, sem skiluðu okkur einum 750 tonnum. Eftir það var komin bræla og vorum við farnir að halda sjó þegar ákveðið var að fara með aflann í land. Við erum því á fulluferðinni til Vopnafjarðar í skrifuðum orðum og verðum þar í kvöld.


 Hér er hinn Færeyski Finnur Fríði að draga á Lónsbugtinni


 Finnur Fríði kominn á ferðina í kviku.........Aðalsteinn Jónsson fjær.



 Finnur Fríði og Aðalsteinn Jónsson


  Sigurður VE 15


  Sigurður VE 15


 Héldum sjó um tíma í morgun ásamt Þorsteini ÞH 360


 Veitustjóra kveðjur af gamla bláusi...............................BK...........................

Góðan og blessaðan daginn lesendur nær og fjær. Héðan af bláa öldungnum er allt gott að frétta ef frá er talið aflaleysi.... en hálfgert stand hefur verið á loðnunni. Nú erum við komnir suður á Lónsbugtina og virðist hún vera að skríða á grunnið. Einnig hafa verið brælur reglulega, svo við höfum ekki verið mjög uppteknir við að kasta, höfum þó kastað tvisvar með sæmilegum árangri. Raunar hefur astikið verið að stríða líka, orðið fjærsýnt greyið.

Góðan og blessaðan daginn lesendur nær og fjær. Það er af okkur köllunum á Lundey að segja, að við tókum grunnnótina um borð og losuðum okkur við frímerkið sem hefur verið notað á Breiðafirðinum. Við lönduðum 1500 tonnum á Akranesi á mánudaginn og höfum verið að dóla okkur austur með landinu, en veðrið hefur verið frekar leiðinlegt og sjólagið eftir því. Nú í skrifuðum orðum erum við að snúast úr af Reyðarfirði en ekkert spennandi er í stöðunni. 

Góðan og blessaðan daginn lesendur nær og fjær. Við höfum verið að toga 40-50 mílur ANA úr Langanesinu í ágætis veðri þar til í nótt. Í morgunsárið var komin bræla og leiðinda veður. Veiðarnar hafa gengið  vel, og eftir snarpar sköfur í gær og nótt er gamli bláus fullur. Stefnan hefur verið sett á Akranes, suðurleiðina og ekki gott að segja hvað siglingin tekur langan tíma.


 Lundey 2010

Veitustjóra kveðjur af Lundanum....................BK.....................

Góðan dag landsmenn nær og fjær. Eftir þvæling fyrir norðurlandi sem skilaði okkur litlu, er trollið komið í hafið NA af Langanesi. Þar sem við erum bara með grunnnót um borð töldu menn ekki spennandi að reyna frekar fyrir norðan, og raunar eru þeir sem þar voru aðrir en við, komnir annað, enda veiði í djúpnót fyrir SA landi ef veður leyfir.

Góðan daginn lesendur nær og fjær. Við hér á Lundeynni erum að þvælast út af Eyjafirði og Skjálfanda, en höfum ekki mikið séð í morgun, bara einhverjar dreifar. Þegar líða tók á morguninn í gær, gerði vestan rok svo við gátum lítið aðhafst, þó náðum við að skafa ofan af einni torfu út af Héðinsfirði í ljósaskiptunum, og höfðum við 100 tonn upp úr krafasinu. Torfan gaf tilefni til mun meiri afla en frímerkið okkar náði ekki að sökkva nóg til þess. Í myrkrinu dreifðist loðna og varð ekki veiðanleg. Annars var þessi loðna svipuð og við höfum verið að fá fyrir austan, hvað varðar stærð og hrognaþroska. Hér eru ein fjögur önnur skip og er svipaður gangur hjá þeim.

Góðan og blessaðan daginn landsmenn góðir í rigningu og sól.  Löndun lauk hjá okkur um miðnættið og héldum við til hafs um o2°° eftir að hafa tekið vara grunnnótina um borð. Víkingur hefur verið að fiska á Grímseyjarsundi og er stefnan sett þangað. Þar sem þeir fengu stóru nótina okkar verðum við að láta þennann bleðil duga. Víkingur er á leið til Vopnafjarðar með fullfermi eftir því sem fregnir herma og í skrifuðum orðum styttist í að við mætum honum á Axarfirði. Nú er bara að vona að eitthvað finnist og að hægt verði að nota grunnótina, en flottrollveiði er bönnuð nema í hólfi austur af landinu. Veðrið er gott, hægviðri, þokuloft og smá rigning, sjávarhiti 2,8°c

Góðan og blessaðann daginn lesendur nær og fjær.  Lundey lagðist að bryggju á Vopnafirði kl 9°° í morgun, en aflinn er frekar lélegur eða 600 tonn. Lítið var um að vera hjá okkur í síðasta túr, auk þess sem við fengum sólarhrings brælu.