Flórgoðinn mættur á tjörnina sína.

Góðan og blessaðan daginn landsmenn nær og fjær. Eins og komið hefur fram hér á síðunni er Lundey bundin á skaganum ásamt hinum þremur uppsjávar skipum HB Granda. Unnið er að ýmiskonar lagfæringum neðan beðið er næstu verkefna sem verða síld og makrílveiðar. 

Góðan og blessaðan daginn lesendur nær og fjær. Eins og kom fram í síðustu færslu var Lundey færð upp á skaga eftir slippinn. Þar verður  unnið að ýmsu viðhaldi og breytingum, ber þar hæst, að bætt verður við fleiri vacumlögnum, þe. í þær lestar sem eftir voru. Með komu Lundeyjar á skagann á þriðjudagskvöldið er allur uppsjávarfloti HB Granda í Akraneshöfn.

Góðan daginn gestir og gangandi. Lundey var rennt á flot um kvöldmatarleitið í gær, það er á kvöldflóðinu, og gakk það áfallalaust fyrir sig sem von var. Héldum við síðan rakleitt upp á Akranes þar sem við komum til með að liggja framm yfir miðjan júní þegar haldið verður til síldar og makríl veiða. Tíminn verður notaður til að sinna ýmiskonar viðhaldi og breytingum.

Góðan og blessaðan daginn lesendur hér og þar.  Að loknum páskum og heilli kolmunavertíð þar sem farnir voru tveir snarpir túrar á gráa svæðið suður af Færeyjum, er Lundey komin á land í garði nýjasta hótels Reykjavíkur. Þessa dagan er verið að mála og skvera prinsessuna enda styttist í afmælisdaginn þegar 52 á eru liðin frá komu skipsins til heimahafnar. Veitustjóri hefur verið í orlofi og hefur verið mikil ritstífla á ritstjórnarskrifstofunni, vonandi gefst einhver tími til að bæta úr því, þótt fyrirsjáanlegt stopp verði framm í júní. Lundey verður væntanlega sett á flot um miðja vikuna, verði ekki neinar óvæntar uppákomur. 

Góðan dag lesendur góðir. Þá eru páskar afstaðnir og alvaran tekur við. Uppsjávarskipin Ingunn,Faxi og Lundey munu halda til kolmunaveiða eftir stopp undanfarna daga. Vonandi fá lesendur einhverjar fréttir af gangi veiða hér á síðunni, en í dag koma enn nokkrar myndir frá síðustu loðnuvertíð. Endilega skoðið líka í myndaalbúm.

Góðan dag lesendur góðir.  Eins og kom fram í gær eru öll uppsjávarskip HB Granda í höfn á Akranesi þar sem sinnt er smávægilegu viðhaldi áður en haldið verður til kolmunnaveiða eftir páska. Eins og flestir vita er komið fram nýtt frumvarp til laga um fiskveiðar. Það nýjasta nýtt sem við höfum frétt eftir áreiðanlegum heimildum, er að til stendur að hækka sjómannaafslátinn úr 493 kr/dag í 987 kr/dag, eins og var 2009. Þetta verður gert til mótvægis við lækkandi fiskverð vegna hækkaðs auðlindagjalds. Þessar upplýsingar höfum við eftir áreiðanlegum heimildum, eða "beint frá býli" þe. Gunarsstöðum. Það fylgdi sögunni að bóndinn ku vera  að fá sérhannaðar  buxur með tengingu milli vinstri og hægri vasa.